ڈوڈہ:جموں و کشمیر کے ڈوڈہ ضلع میں منگل کی شام ایک کار سڑک سے پھسل کر دریائے چناب میں جا گری ۔ حادثہ میں چار افراد کے ڈوب جانے کا خدشہ ہے۔اگرچہ پولیس اور مقامی رضاکاروں نے ریکسیو آپریشن شروع کیا تھا تاہم اندھیرے کے سبب آپریشن کو بدھ تک ملتوی کرنا پڑا۔
ڈوڈہ سڑک حادثہ، چار نوجوانوں میں سے ایک کی لاش برآمد
پولیس این ڈی آر ایف اور مقامی رضاکاروں نے آج صبح بارش اور سخت سردی ہونے کے باوجود ریسکیو آپریشن شروع کیا۔ریسکیو آپریشن کے دوران پولیس کو آج ایک نوجوان کی لاش برآمد ہوئی ہے۔ ریسکیو ٹیم کو دریائے چناب سے کار کا ملبہ بھی برآمد ہوا ہے،تاہم تین نوجوانوں کی لاش ابھی بھی بازیاب نہیں ہوئی۔ ہلاک ہونے والے نوجوان کی شناخت آدیت کوتوال ولد راکیش کوتوال ساکن پریوٹ ڈوڈہ کے طور پر ہوئی ہے۔