Drowning Case In Doda دریائے چناب میں فوجی جوان سمیت 2 افراد غرقآب

جموں وکشمیر کے ڈوڈہ ضلع میں دریائے چناب میں فوجی جوان سمیت دو افراد غرقاب ہوئے۔ فوجی اہلکار کی شناخت 25 سالہ رمیش کمار کے بطور ہوئی جبکہ عام شہری کی پہچان 24سالہ سنیل کمار ولد رام راج کے بطور کی گئی ہے۔

ڈوڈہ:ڈوڈہ ضلع ڈوڈہ کے کھیلانی کے قریب آج دو افراد دریائے چناب میں ڈوب گئے ہے۔ ابتدائی اطلاعات کے مطابق یہ دونوں افراد ایک گاؤں والے کی آخری رسومات میں گئے تھے اور آخری رسومات مکمل کرنے کے بعد وہ دریائے چناب کے کنارے نہا رہے تھے۔اسی دوران پانی کی سطح اچانک بڑھ گئی اور وہ پانی کی لہروں میں ڈوب گئے۔

یہ حادثہ ہوتے ہی فوراً پولیس، ایس ڈی آر ایف اور مقامی لوگوں نے ریسکیو آپریشن شروع کیا ہے۔امدادی کارکنوں کی ٹیم نے تمام آلات اور کشتیوں کے ساتھ لاپتہ افراد کی تلاش شروع کی ہے،تاہم ڈوبنے والے افراد تاحال لاپتہ ہیں۔ تحصیلدار ڈوڈہ سمیت سینیئر افسران نے جائے حادثہ اور دونوں متاثرین کی رہائش گاہوں کا دورہ کیا۔

فوجی اہلکار کی شناخت 25 سالہ رمیش کمار کے بطور ہوئی جبکہ عام شہری کی پہچان 24سالہ سنیل کمار ولد رام راج کے بطور کی گئی ہے۔ذرائع نے بتایا کہ پولیس اور ایس ڈی آر ایف نے بڑے پیمانے پر ریسکیو آپریشن شروع کیا ہے۔