'مولانا جوہر یونیورسٹی پر قبضہ افسوسناک'

سماجوادی پارٹی کے رہنما اعظم خان کے ذریعے شروع کیا گیا اقلیتی ادارہ مولانا محمد علی جوہر یونیورسٹی پر یوگی حکومت کے ذریعے قبضہ کو پدم شری پروفیسر اختر الواسع نے افسوسناک قرار دیا۔

اخترالواسع نے رامپور کی مولانا جوہر یونیورسٹی پر حکومت کے قبضہ کو شرمناک قرار دیتے ہوئے کہا کہ مجھے بے حد افسوس اس لیے بھی ہےکہ اترپردیش حکومت کے وزیر اعلی یوگی آدتیہ ناتھ مسلسل انتقام کی بات کرتے رہے ہیں، میں وزیر اعلی کو اعظم خان سے اختلاف کرنے سے نہیں روکتا لیکن اعظم خان نے اقلیتوں کی تعلیمی ترقی کے لیے جو ادارہ بنایا جسے اسمبلی نے منظوری دی تھی، اس کے ساتھ ایسا سلوک قابل مذمت ہے۔