دہلی میں سیلاب جیسی صورتحال

جمنا ندی پر بنے ہتھنی کنڈ بیراج سے 8.28 لاکھ کیوزک پانی چھوڑا گیا جس کی وجہ سے دہلی میں سیلاب جیسی صورتحال پیدا ہوگئی ہے۔

ریاست ہریانہ کے ہتھنی کنڈ بیراج سے پہلی بار اتنی بڑی مقدار میں پانی چھوڑا گیا جس کے بعد دارالحکومت دہلی میں سیلاب جیسی صورتحال پیدا ہوگئی ہے اور تقریباً 10 ہزار افراد کو محفوظ مقامات پر منتقل کردیا گیا ہے اور حفاظتی انتظامات کئے جارہے ہیں۔

جمنا ندی خطرے کے نشان 2015.38 سے اوپر 206.4 پر بہہ رہی ہے جبکہ انتظامیہ پوری طرح حالات پر نظر رکھے ہوئے ہے اور کسی بھی ناخوشگوار حالات سے نمٹنے کےلیے تیار ہے۔نشیبی علاقوں میں مقیم افراد کو محفوظ مقامات پر منتقل کیا جارہا ہے جہاں ان کے لیے رہنے، کھانے اور طبی انتظامات کئے جارہے ہیں۔وویک وہار کے ایس ڈی ایم راجیش چودھری نے بتایا کہ ندی میں پانی کی سطح 206.4 تک پہنچ چکی ہے جبکہ اس میں مزید اضافہ کا امکان ظاہر کیا جارہا ہے۔انہوں نے کہا کہ نشیبی علاقوں سے لوگوں کو محفوظ مقامات پر منتقل کرنے کا عمل جاری ہے۔وہیں مقامی لوگوں نے راحت اور بچاؤ کاروائیوں میں تیزی لانے کا حکومت سے مطالبہ کیا ہے۔