آن لائن دنگل مقابلے میں سمرن پہلوان فاتح

آل انڈیا کشتی مہا سنگھ کے ذریعہ اس عالمی وباء کے وقت کھلاڑیوں کو متحرک رکھنے کے لیے ایک آن لائن ریسلنگ مقابلے کا انعقاد کیا گیا۔ جس میں کھلاڑیوں کو گھر میں رہ کر لاک ڈاؤن پر عمل کرتے ہوئے ریسلنگ ویڈیوز بھیجنی تھی۔ ویڈیو فیس بک اور انسٹاگرام پر لوڈ کی گئی تھیں اور جس ویڈیو کو زیادہ پسند کیا گیا اسے انعام دیا گیا۔

اس مقابلے میں یوتھ اولمپک تمغہ فاتح دہلی کی کماری سمرن اہلاوت نے پہلی پوزیشن حاصل کی اور انعام کے طور پر 51000 روپے ملے۔ دوسری پوزیشن جند انوج سیوچ نے حاصل کی اور انعام کے طور پر 31000 روپے دیئے گئے۔ تیسری پوزیشن میتو چندگی رام اکھاڑا دہلی کو ملی اور 21000 روپے کی رقم حاصل کی۔

یوتھ اولمپک تمغہ فاتح دہلی کی کماری سمرن اہلاوت

اس مقابلے کے فاتحین کو آل انڈیا کشتی مہا سنگھ کے (صدر) پرشانت روہتگی (ببو خلیفہ)، (چیرمین) اجے بھاردواج (پیٹرن)، ترون چودھری (خزانچی)، پنکج اگروال، سنجیو جون اور سریندر کالی رمن نے مبارکباد پیش کی۔

لاک ڈاؤن ختم ہونے کے بعد دہلی میں منعقد ہونے والے بھارت گورو ایوارڈ میں تمام فاتحین کو اعزاز سے نوازا جائے گا۔