دہلی ہائی کورٹ اور نچلی عدالتیں 31 جولائی تک بند

دہلی ہائی کورٹ نے ہائی کورٹ اور دہلی کی نچلی عدالتوں میں 31 جولائی تک کام کاج کو پوری طرح سے بند کرانے کا حکم دیا ہے۔

کورونا بحران کے پیش نظر دہلی ہائی کورٹ اور دہلی کی نچلی عدالتیں 31 جولائی تک ملتوی رہیں گی۔ یہ فیصلہ ہائی کورٹ کے ایڈمنسٹریٹو اور جنرل سپرویژن کمیٹی نے لیا ہے۔

گزشتہ 29 جون کو ہائی کورٹ نے 15 جولائی تک کام کاج کو ملتوی کرنے کا فیصلہ کیا تھا۔ہائی کورٹ میں 16 جولائی سے 31 جولائی تک کے تمام درج مقدمات کی سنوائی کو ستمبر میں کرنے کا حکم دیا گیا ہے۔

ہائی کورٹ نے حکم دیا ہے کہ نچلی عدالتیں سابقہ رہنما خطوط کے مطابق ضمانت، روک جیسے اہم معاملات کی سماعت جاری رکھے گی۔ہائی کورٹ نے نچلی عدالتوں کے سبھی ڈسٹرکٹ اینڈ سیشن ججوں کو ہدایت دی تھی کہ ہوہ سسکو ویب ایکس کے ذریعہ ویڈیو کانفرنسنگ کے ذریعہ سماعت کریں۔