خواتین کمیشن کرے گی گارگی کالج کا دورہ

قومی خواتین کمیشن نے دہلی یونیورسٹی کی گارگی کالج کی طالبات کے ساتھ جنسی استحصال کے مسئلے پر از خود نوٹس لیا ہے اورکمیشن جلد ہی جائےوقوع کا دورہ کرےگا۔

کمیشن کے ذرائع نے پیر کو یہاں بتایا کہ 'کمیشن نے اخبارات میں شائع اس واقعہ کو سنجیدگی سے لیا ہے۔ کمیشن کی ایک ٹیم جلد ہی صورت حال کا جائزہ لینے کےلئے کالج جائےگی۔

اطلاع کے مطابق 'کالج کے سالانہ پروگرام کے دوران کالج کیمپس میں باہر سے لوگ گھس آئے اور طالبات کے ساتھ بڑا برتاؤ کیا۔'

اس سلسلے میں طالبات نے جنسی استحصال کا الزام لگایا ہے۔

طالبات کا کہنا ہے کہ 'کالج انتظامیہ نے ان کی کوئی مدد نہیں کی ہے۔'

طالبات کے ایک گروپ نے اس سلسلے میں ایف آئی آربھی درج کرائی ہے۔