بھیم آرمی کے چیف چندر شیکھر آزاد راون کے بھارت بند اعلان کے بعد سے دہلی کے مختلف علاقوں میں احتجاجی مظاہروں کا سلسلہ جاری ہے۔ گزشتہ شب مشرقی دہلی کے جعفرآباد کے علاقے میں بڑی تعداد میں خواتین نے جعفر آباد کے مین روڈ کو جام کر دیا تھا، جس کے بعد پولیس اور پیرا ملٹری فورسز کو بھی تعینات کیا گیا تھا۔
اس کے بعد پرانی دہلی کے لال کنواں علاقے میں رات 12 بجے کے بعد سینکڑوں خواتین سڑک پر آگئیں اور انہوں نے ہمدرد دوا خانے کے باہر احتجاج کرنا شروع کردیا، حالانکہ صبح ہوتے۔ ہوتے پولیس نے احتجاجی مظاہرین کو وہاں سے ہٹا دیا تھا۔
تاہم جب خواتین کی تعداد میں اضافہ ہونے لگا تو پولیس نے انہیں احتجاج کرنے کی اجازت دے دی، جس کے بعد سے مرد و خواتین لال کنواں کی سڑک سے ہی اپنی احتجاج کی صدائیں بلند کر رہے ہیں۔
