مساجد میں خواتین کے داخلہ پر کوئی شرعی پابندی نہیں

اسلام میں خواتین کو مسجد میں آنے کی اجازت حاصل ہے۔

مسلم پرسنل لا بورڈ نے آج سپریم کورٹ میں ایک حلف نامہ داخل کرتے ہوئے کہا ہے کہ خواتین کو مساجد میں داخلہ کی اجازت حاصل ہے جبکہ اس میں کسی قسم کی کوئی شرعی پابندی نہیں ہے۔

مسلم پرسنل لا بورڈ نے واضح کیا کہ خواتین مساجد میں داخل ہوسکتی ہے لیکن ان پر اجتماعی عبادات میں شامل ہونا لازمی نہیں ہے۔

واضح رہے کہ 2 خواتین نے سپریم کورٹ میں خواتین کے مساجد میں داخلہ کو لیکر ایک عرضی داخل کی تھی جس کے بعد عدالت نے مسلم پرسنل لا بورڈ سے اس سلسلہ میں جواب طلب کیا تھا۔

بورڈ نے عدالت میں داخل کئے گئے حلف نامہ میں کہا کہ مساجد میں عورتوں کے داخلہ پر کسی قسم کی کوئی شرعی پابندی نہیں ہے۔