دہلی میٹرو: خاتون نے خودکشی کرنے کی کوشش کی، زخمی

دارالحکومت دہلی کے آنند وہار میٹرو اسٹیشن پر ایک خاتون نے میٹرو کے سامنے کود کر خودکشی کرنے کی کوشش کی لیکن اس کی جان بچ گئی، حالانکہ اس کو چوٹیں آئی ہیں۔

آنند وہار میٹرو لائن پر ٹرین کے سامنے خاتون نے چھلانگ لگا دی۔ ڈرائور نے اسے بچانے کی کوشش کی، لیکن تب تک وہ میٹرو سے ٹکرا چکی تھی۔ خاتون کے سر میں چوٹیں آئیں ہیں۔ زخمی خاتون کو علاج کے لیے دہلی کے لال بہادر شاستری ہسپتال میں بھرتی کرایا گیا ہے۔ اس واقعے کی وجہ سے بلو لائن پر 15 منٹ تک میٹرو بند رہی۔

اطلاعات کے مطابق یہ واقعہ پیر کے روز رات کو تقریبا نو بج کر 30 منٹ پر آنند وہار میٹرو لائن پر پیش آیا۔ پلیٹ فارم نمبر دو پر 25 سے 30 برس کی خاتون ٹہل رہی تھی۔ ٹریک پر جیسے ہی میٹرو پہنچی تو اس نے سامنے چلانگ لگا دی۔ ڈرائور نے فورا امرجینسی بریک لگائی، لیکن تب تک خاتون ٹرین سے ٹکرا چکی تھی۔

ڈی سی پی وکرم پوروال کے مطابق زخمی خاتون کو علاج کے لیے لال بہادر ہسپتال میں بھرتی کرایا گیا ہے۔ پولیس خاتون کے بارے میں جانکاری اکٹھا کر رہی ہے۔