کسان رہنما راکیش ٹکیت نے نئے زرعی قوانین کے معاملے کو اقوام متحدہ میں لے جانے کی بات سے انکار کیا ہے۔ ٹکیت کے مطابق ان کے بیان کو غلط طریقے سے پیش کیا گیا ہے۔
ہم نے زرعی قوانین کو اقوام متحدہ میں لے جانے کی بات کبھی نہیں کی: راکیش ٹکیت انہوں نے کہا میں نے یہ نہیں کہا تھا کہ زرعی قوانین کو لے کر اقوام متحدہ جائیں گے۔ ہم نے کہا تھا کہ 26 جنوری کے واقعے کی غیر جانبدارانہ جانچ ہو۔ اگر یہاں کی ایجنسی جانچ نہیں کررہی ہے تو کیا ہم یو این (اقوام متحدہ) میں جائیں؟
ساتھ ہی راکیش ٹکیت نے کہا کہ زرعی قوانین کے معاملے پر اگر بھارت سرکار بات چیت کرنا چاہتی ہے تو ہم تیار ہیں۔
یہ بھی پڑھیں: یمنا نگر: کسانوں کا بی جے پی کے وزراء کے خلاف شدید احتجاج
22 جولائی سے ہمارا دہلی جانے کا پروگرام رہے گا۔ 22 جولائی کو اسمبلی سیشن شروع ہوگا اور ہمارے 200 لوگ پارلیمنٹ کے پاس دھرنا دیں گے۔
