دہلی: بیس مجرمانہ معاملوں میں مطلوب ملزمان گرفتار

دہلی پولیس نے دارالحکومت کی سڑکوں پر خواتین سمیت 20 سے زائد راہگیروں سے چھپٹ ماری کے معاملے میں دو ملزمان کو گرفتار کیا ہے۔

پولیس ذرائع نے جمعرات کے روز بتایا کہ کرائم برانچ نے کلدیپ سنگھ عرف چندن اور ساجن کمار کو بدھ کے روز منڈاؤلی ریلوے کالونی کے قریب گرفتار کیا۔ دونوں اسی علاقے کے رہنے والے ہیں۔

خفیہ اطلاع کی بنیاد پر انسپکٹر وکاس رانا ، سب انسپکٹر راجیو ، ہربیر سنگھ ، اشوک کمار ، اے ایس آئی وجے ، ویر سنگھ اور کانسٹبل اجیت اور سونو کی ٹیم نے اسپیشل ٹاسک فورس (ایس ٹی ایف) اے سی پی پنکج سنگھ کی نگرانی میں گرفتار کیا۔

تفتیش کے دوران ملزم نے اعتراف کیا کہ اس نے کئی خواتین سمیت 20 سے زائد راہگیروں سے موبائل فون چھیننے اور چوری کی وارداتیں انجام دیں ۔

مزد پڑھیں:دہلی: تیسرے روز بھی موسلا دھار بارش سے نظام زندگی درہم برہم

10 اگست کو جمنا پار کے شکر پور میں ایک خاتون نے پریت وہار پولیس اسٹیشن میں شکایت کرائی تھی کہ جب وہ اپنی ڈیوٹی پر جارہی تھی ، دو نوجوانوں نے مدھوبن کالونی کے قریب اس کا موبائل لوٹ لیا۔ اسی بنیاد پر پریت وہار پولیس اسٹیشن میں نامعلوم جرائم پیشہ کے خلاف ایف آئی آر درج کی گئی تھی ۔ اس معاملے میں پولیس ان ملزمان کی تلاش میں تھی۔

(یو این آئی)