Farmer's Law Protest: لال قلعہ تشدد معاملے میں مزید ایک گرفتار

لال قلعہ تشدد معاملے میں پانچ ماہ سے فرار چل رہے گروجوت سنگھ کو دہلی پولیس کی خصوصی سیل نے گرفتار کرلیا ہے۔ لال قلعے پر تشدد اور 'نشان صاحب کا جھنڈا' لہرانے کے معاملے میں پولیس اس کی تلاش کررہی تھی۔ اس پر ایک لاکھ روپے کے انعام کا بھی اعلان کیا گیا تھا۔

قومی دارالحکومت دہلی کے لال قلعہ تشدد معاملے میں پانچ مہینے سے فرار چل رہے ایک ملزم کو دہلی پولیس کی اسپیشل سیل نے گرفتار کرلیا ہے۔ لال قلعے پر تشدد اور 'نشان صاحب' کا جھنڈا لہرانے کے معاملے میں پولیس اسے تلاش کر رہی تھی۔ اس پر ایک لاکھ روپے انعام کا بھی اعلان کیا گیا تھا۔ ملزم کی شناخت گرجوت سنگھ کے نام سے ہوئی ہے۔

ڈی سی پی سنجیو یادو کے مطابق دہلی پولیس کی مختلف ٹیمیں 26 جنوری کو ہوئے لال قلعہ تشدد معاملے میں مفرور ملزمان کو تلاش کر رہی تھی۔

اس دوران خصوصی سیل کو اطلاع ملی تھی کہ گرجوت سنگھ اپنے کچھ ساتھیوں سے ملنے آئے گا۔ اس اطلاع پر اسپیشل سیل کی ٹیم نے اسے امرتسر سے گرفتار کیا ہے۔

انہوں نے مزید بتایا کہ پولیس ٹیم گرجوت سنگھ کو دہلی لے کر آ گئی ہے، جہاں اس سے مزید پوچھ گچھ کی جائے گی۔