عراق میں ایران کے سفارت خانے کے باہر تشدد

عراق کے جنوبی شہر نجف میں مظاہرین نے ایرانی سفارت خانے کی عمارت میں آگ لگا دی

نجف کے گورنر ایل ياسري نے یہ اطلاع دی کہ مظاہرین اور سیکورٹی فورسز کے درمیان جھڑپوں میں 80 افراد زخمی ہوئے ہیں، جس کے بعد انتظامیہ نے علاقے میں کرفیو لگا دیا ہے۔
مقامی میڈیا کے مطابق مظاہرین نے ایران سفارت خانے کی عمارت میں آگ لگا دی جس میں47 سیکورٹی فورسز زخمی ہو گئے۔

گورنر نے زور دے کر کہا کہ مظاہرین کی طرف سے ایرانی سفارت خانے میں لگائی گئی آگ کو فائر فائٹر عملہ اب بھی کنٹرول کرنے کی کوشش کر رہے ہیں ۔ جبکہ پولیس کو مظاہرین کو بھگانے کے لئے گولی نہ چلانے کے احکامات جاری کیے گئے ہیں۔قابل غور ہے کہ بے روزگاری، سرکاری بدعنوانی اور بنیادی خدمات میں فقدان کے معاملہ پر عراق کے دارالحکومت بغداد اور دوسرے کئی صوبوں سمیت تقریبا پورے ملک میں اکتوبر کے آغاز سے ہی لوگوں کے احتجاج و مظاہرہ جاری ہیں۔ مظاہرے کے دوران پولیس کے ساتھ جھڑپ اور تشدد کی وارداتیں بھی سامنے آ رہی ہیں۔ پرتشدد مظاہروں میں اب تک سینکڑوں افراد کی جان بھی جا چکی ہے۔