Womens Reservation Bill راجیہ سبھا کے چیئرمین دھنکھر نے خواتین ریزرویشن بل پر دستخط کیے

راجیہ سبھا کے چیئرمین جگدیپ دھنکھر نے خواتین ریزرویشن بل پر دستخط کر دیئے ہیں۔ یہ بل اب آئین ہند کے آرٹیکل 111 کے تحت صدرجمہوریہ کو ان کی منظوری کے لیے پیش کیا جائے گا۔ Vice President and Rajya Sabha Chairman Jagdeep Dhankhar

نئی دہلی: پارلیمنٹ کے خصوصی اجلاس میں دونوں ایوانوں سے منظور شدہ خواتین ریزرویشن بل پر نائب صدر اور راجیہ سبھا کے چیئرمین جگدیپ دھنکھر نے جمعرات کو دستخط کر دیئے ہیں۔ اس سے پہلے کہ اسے صدر دروپدی مرموکی منظوری کے لیے پیش کیا جائے۔ اس ماہ کے شروع میں پارلیمنٹ کے خصوصی اجلاس کے دوران آئینی ترمیمی بل لوک سبھا اور راجیہ سبھا نے اتفاق رائے سے منظور کیا تھا۔ خواتین ریزرویشن بل کی رو سے خواتین کو لوک سبھا اور ریاستی اسمبلیوں میں 33 فیصد ریزرویشن دینے کی تجویز ہے، اگلی مردم شماری کے نفاذ میں کچھ وقت لگے گا اور اس کے بعد کی حد بندی (لوک سبھا اور اسمبلی حلقوں کی دوبارہ ترتیب) کی مشق سے خواتین امیدواروں کے لیے مختص سیٹوں کا تعین کیا جائے گا۔

نائب صدر سکریٹریٹ نے X پر ایک پوسٹ میں کہا کہ " پارلیمنٹ کے ایوانوں سے منظور کیا گیا آئین (128 ترمیم) بل، 2023 پر راجیہ سبھا چیئرمین نے دستخط کیے ہیں ، جسے صدر جمہوریہ ہند کو ان کی منظوری کے لیے پیش کیا گیا ہے ،" نائب صدر سکریٹریٹ نے وزیر قانون ارجن رام میگھوال کی ایک تصویر بھی شیئر کی ہے جس میں دھنکھر سے بل کی دستخط شدہ کاپی موصول ہوئی ہے۔

خواتین ریزرویشن بل، 2023، یا 'ناری شکتی وندن ادھینیم'، لوک سبھا اور ریاستی اسمبلیوں میں خواتین کو 33 فیصد ریزرویشن فراہم کرتا ہے اور اب صدر جمہوریہ کی طرف سے اس کی منظوری کے بعد یہ قانون بن جائے گا۔