دہلی تشدد: امریکہ، فرانس، روس کی اڈوائزری جاری

امریکہ ، فرانس اور روس نے بدھ کے روز قومی دار الحکومت میں ہو رہے تشدد میں 27 افراد کی ہلاکت کے بعد اپنے شہریوں کے لیے سکیورٹی الرٹ جاری کیا۔

نئی دہلی میں امریکی سفارت خانے نے اپنے سکیورٹی ایڈوائزری میں بھارت میں موجود امریکی شہریوں سے کو ہدایت دی کہ وہ شمال مشرقی دہلی میں پرتشدد مظاہروں سے احتیاط برتیں اور جہاں بھی مظاہرے ہورہے ہیں ان تمام علاقوں میں جانے سے گریز کریں۔

بتادیں دہلی میں مظاہرے اس وقت شروع ہوگئے جب مرکزی حکومت نے شہریت ترمیمی قانون (سی اے اے) نافذ کیا۔

گزشتہ دو دنوں میں دہلی میں ہو رہے تشدد کے دوران اب تک 27 افراد ہلاک ہوگئے۔

امریکی سفارتخانے نے اپنے شہریوں سے کہا کہ وہ تمام تر تفصیلات جاننے کے لیے مقامی میڈیا سے رابطہ کریں تاکہ کسی بھی دشواری کا سامنا نہ کرنا پڑے۔

امریکہ کے بعد فرانس اور روس نے بھی دہلی میں موجود اپنے شہریوں کے لیے ایسی ہی ایڈوائزری جاری کی ہے۔