جب حوصلہ ہو کچھ کر گزرنے کا۔۔۔

جب کچھ کر گزرنے کا حوصلہ ہو تو انسان کے لیے اس کام کو کرنے کی راہیں خود بخود ہموار ہوتی ہیں۔

ریاست اترپردیش کے شہر رامپور سے تعلق رکھنے والے جسیم خان نے اترپردیش پبلک سروس کمیشن (یو پی پی سی) ایس جے کے امتحانات میں کامیابی حاصل کرکے نہ صرف اپنے والدین بلکہ رامپور کا نام بھی روشن کیا ہے۔

رامپور کے ایک چھوٹے سے گاؤں کے رہنے والےجسیم خان نے یہ ثابت کردیا کہ اگر ارادے پختہ ہوں اور دل میں کچھ کر گزرنے کی چاہ ہو تو چاہے کتنی بھی رکاوٹیں آئیں آپ کو کامیاب ہونے سے کوئی نہیں روک سکتا۔ رامپور سے اپنے سفر کا آغاز کرنے والے جسیم خان کا کہنا ہے کہ انہوں نے جج بننے کے بارے میں نہیں سوچا تھا وہ چاہتے تھے کہ یو پی ایس سی کے امتحانات میں کامیابی حاصل کرکے ملک کی خدمت کریں، لیکن قسمت کو کچھ اور ہی منظور تھا۔

جسیم نے دہلی یونیورسٹی (ڈی یو) سے وکالت کی ڈگری حاصل کر کے جج کے امتحان میں پہلی بار میں ہی کامیابی سر کی ہے۔

جسیم خان کی اس کامیابی کے بعد ذہن میں یہی شعر آتا ہےکہ

منزل انہیں کو ملتی ہے جن کے سپنوں میں جان ہوتی ہے
پنکھ سے کچھ نہیں ہوتا حوصلوں سے ہی اڑان ہوتی ہے