مرکزی وزیر مملکت رجیجو نے کہا کہ کمیونٹی کوچنگ کے ذریعے تندرستی اور فٹنس کو بہتر بنانے کے لئے ملک میں وسیع پروگرام شروع کیے گئے ہیں۔ آن لائن وزارت کی جانب سے یہ پروگرام فزیکل ایجوکیشن سے وابستہ افراد کے لیے شروع کیے گئے تھے۔
انہوں نے فزیکل ایجوکیشن فاؤنڈیشن آف انڈیا کے کاموں کی تعریف کی اور کہا کہ کسی بھی ملک کی ترقی اسی وقت ممکن ہے جب وہاں کے لوگوں کی جسمانی اور ذہنی بنیاد مضبوط ہو۔
مرکزی وزیر کھیل نے نئی تعلیمی پالیسی پر تبادلہ خیال کرتے ہوئے کہا کہ میری وزارت کی طرف سے فزیکل ایجوکیشن اور کھیل کو مستحکم رکھنے کی کوشش کی گئی ہے۔ یہ وہ دو انواع ہیں جو ہمیں جسمانی اور ذہنی طور پر آگے رکھنے کے لئے کام کرتی ہیں۔ اسپورٹس سائنس کو فروغ دینے کے لئے دہلی میں قومی انسٹی ٹیوٹ آف اسپورٹس سائنس کا قیام عمل میں لایا جائے گا۔
مرکزی وزیر کھیل کرن ریجیجو نے کہا کہ ملک میں اسپورٹس سائنس کی حالت تسلی بخش نہیں ہے۔ ہم فزیکل یا اسپورٹس سائنس کے معاملے کو نظرانداز نہیں کرسکتے ہیں۔ اس کو دھیان میں رکھتے ہوئے مرکزی وزارت کھیل نے فیصلہ کیا ہے کہ دہلی میں کھیلوں کے قومی انسٹی ٹیوٹ کا قیام عمل میں لایا جائے گا اور اس کی شاخیں ہر جگہ کھولی جائیں گی۔ ہم اسپورٹس سائنس کے معاملے میں زیادہ منحصر اور بہتر کام کرسکتے ہیں۔
انہوں نے کہا کہ جسمانی تعلیم ایک ایسا موڈ ہے جس کے ذریعے ہم اپنے لوگوں میں کھیلوں اور صحت میں نمایاں تبدیلیاں لاسکتے ہیں۔ انہوں نے کہا کہ کھیلوں کے لئے جسمانی تعلیم ہی ضروری نہیں ہے۔ ہر انسان کے لئے انتہائی اہم ہے۔ ہر طرح کے کھیلوں میں ارتکاز اور مطالعہ کے لیے بھی یہ بہت ضروری ہے۔ انہوں نے مثالیں دیتے ہوئے کہا کہ ملک کی ایک بڑی آبادی باقاعدہ جسمانی سرگرمیوں سے دور ہے۔ یہ تشویش کی بات ہے۔ کھیلو انڈیا اور فٹ انڈیا موومنٹ کے توسط سے ایسے لوگوں میں جسمانی سرگرمی بڑھانے کی کوششیں کی جارہی ہیں۔ ہم سب کو اسے معاشرتی انقلاب کے طور پر لینا ہے۔
شطرنج کے عظیم کھلاڑی وشوناتھن آنند کا ذکر کرتے ہوئے مرکزی وزیر کھیل نے کہا کہ جب ہم ان سے ملے تو انہوں نے کہا کہ جب وہ کھیل میں ہار رہے تھے اور عام طور پر ہم یہ سمجھتے ہیں کہ شطرنج کے کھلاڑی کی فٹنس ہے یا جسمانی تعلیمات کی کیا ضرورت ہے ، انہوں نے مجھے بتایا جب میں نے اپنی فٹنس اور جسمانی سرگرمیوں میں اضافہ کیا۔ جس سے میرے لیے اور جیتنا آسان ہوگیا۔
فیزیکل ایجوکیشن فاؤنڈیشن آف انڈیا کے قومی صدر راہل کوٹھاری نے کوویڈ 19 کے دوران سب کو فاؤنڈیشن کے کردار سے واقف کیا۔ انہوں نے کہا کہ کوویڈ 19 کے منتقلی کے دور میں فاؤنڈیشن نے لوگوں کو فٹ رکھنے میں اہم کردار ادا کیا ہے۔ فاؤنڈیشن کے نیشنل سکریٹری ڈاکٹر پیوش جین نے فاؤنڈیشن کی سرگرمیوں سے آگاہ کیا اور لاک ڈاؤن میں ہونے والے پروگراموں کی تفصیلات پر روشنی ڈالی۔
