ڈاکٹر ہرش وردھن کی والدہ نہیں رہیں

مرکزی وزیر صحت ڈاکٹر ہرش وردھن کی والدہ کا عارضہ قلب کے سبب انتقال ہوگیا، ان کی عمر 89 برس کی تھی۔

مرکزی وزیر نے خود ٹویٹ کر کے اس کی اطلاع دی کہ 'زمین پر ان کی سب سے پسندیدہ شخصیت ان کی والدہ اب نہیں رہی ہیں، آج صبح عارضہ قلب کے سبب 89 برس کی عمر میں ان کا انتقال ہوگیا۔'

ڈاکٹر ہرش وردھن

ہرش وردھن نے لکھا ہے کہ ایک عظیم شخصیت، میری رہنماء اور فلسفی نے میری زندگی میں ایک خلا پیدا کر دیا ہے جسے کوئی نہیں بھر سکتا ہے۔

انہوں نے اپنی ماں کی ایک تصویر شیئر کرتے ہوئے ایک جذباتی پوسٹ 'ما تو لوٹ آ' لکھا ہے۔

اس موقع پر متعدد وزراء اور بی جے پی رہنماؤں نے مرکزی وزیر صحت ڈاکٹر ہرش وردھن کی والدہ کی موت پر غم کا اظہار کیا ہے۔