سماجی انصاف اور تفویض اختیارات کے مرکزی وزیر تھاور چند گہلوت سمیت متعدد سینیئر رہنماؤں کو گورنر بنائے جانے کے اعلان کے ساتھ ہی حکومت کے ذرائع نے کہا تھا کہ بہت جلد مرکزی کابینہ میں توسیع اور محکموں میں رد و بدل کیے جانے کیے جانے کے امکان ہیں۔
مرکزی کابینہ میں توسیع آج شام
وزیراعظم نریندر مودی کی قیادت والی مرکزی کابینہ میں آج شام 6 بجے توسیع ہونا ہے۔ کابینہ میں تقریباً 20 نئے چہرے شامل کئے جانے کی خبریں موصول ہورہی ہیں۔
Union Cabinet reshuffle to take place on Wednesday
راجیہ سبھا میں ایوان کے لیڈر گہلوت کو کرناٹک کا گورنر بنایا گیا ہے۔ این ڈی اے کے اراکین پارلیمنٹ کو اس ہفتہ دہلی میں رہنے کا پیغام دیا گیا تھا۔ قیاس کیا جارہا تھا کہ جمعرات کو نئے وزراء کو حلف دلایا جائے گا۔ وہیں تازہ اطلاعات کے مطابق مرکزی کابینہ میں توسیع شام 6 بجے ہونا ہے۔
- یہ بھی پڑھیں:آٹھ ریاستوں میں نئے گورنرز کی تقرری
تیس مئی 2019 کو وزیر اعظم نریندر مودی کی کابینہ میں 57 وزراء بنائے گئے تھے، جن میں 24 کابینی، نو آزادانہ چارج اور 24 وزیر مملکت تھے۔ لیکن شیوسینا اور شرومنی اکالی دل (این اے ڈی) کے قومی جمہوری اتحاد (این ڈی اے) سے الگ ہونے کے سبب اروند ساونت اور ہرسمرت کور بادل نے استعفیٰ دیے دیا تھا۔ اسی کے ساتھ لوک جن شکتی پارٹی کے رہنما رام ولاس پاسوان کی موت کے سبب کابینی وزراء کی تعداد 21 رہ گئی ہے۔ وزیر مملکت برائے ریل سریش انگڑی کی گذشتہ برس کووڈ کے سبب موت کے بعد مجموعی طور مرکزی وزراء کی تعداد کم ہوکر 53 ہوگئی ہے۔
Last Updated : Jul 7, 2021, 4:17 PM IST