فیز 4 کے تحت نبی کریم میٹرو اسٹیشن پر تعمیر ہو گی کثیرالمنزلہ پارکنگ سہولت

دہلی میٹرو ریل کارپوریشن (ڈی ایم آر سی) اور نارتھ دہلی میونسپل کارپوریشن (نارتھ ڈی سی ڈی) مشترکہ طور پر وسطی دہلی کے علاقہ نبی کریم میں ایک کثیر المنزلہ کار پارکنگ (ملٹی لیول) کی سہولت تیار کرنے جارہی ہے ، جہاں 3000 سے زائد کاریں پارک کی جاسکیں گی

ڈی ایم آر سی نے جمعہ کے روز ایک پریس ریلیز میں کہا ہے کہ کار پارکنگ کی سہولت نبی کریم اسٹیشن کمپلیکس کا ہی حصہ ہوگی۔ ایک اور جہاں یہ زیر زمین اسٹیشن فیز 4 کے جنک پوری (مغرب) - آر کے آشرم مارگ میٹرو کوریڈور اور مجوزہ اندورلوک۔ اندر پرستھ کوریڈور کے درمیان انٹرچینج کی سہولت مہیا کرے گی ، وہیں ایک تین منزلہ تجارتی کمپلیکس کے ساتھ ایک چھ منزلہ کار پارکنگ کی تعمیر بھی اسٹیشن بلڈنگ کے بالائی حصے میں کی جائے گی۔ پارکنگ کی سہولت مکمل طور پر خودکار ہوگی۔

پروجیکٹ کے لئے آج ڈی ایم آر سی کے منیجنگ ڈائریکٹر ، ڈاکٹر منگو سنگھ اور نارتھ دہلی میونسپل کارپوریشن کمشنر گنیش بھارتی کے مابین مفاہمت نامہ پر دستخط کئے گئے ۔ اس موقع پر دہلی کے نائب گورنر انیل بیجل (ویڈیو کانفرنسنگ کے ذریعہ) اور شمالی دہلی میونسپل کارپوریشن کے میئر شری جئے پرکاش بھی اس موقع پر موجود رہے ۔