'نیرو مودی کو بھارت لانے کے لیے حکومت کمربستہ'

پنجاب نیشنل بینک بدعنوانی کیس کے ملزم نیرو مودی ان دنوں برطانیہ میں پر تعیش زندگی گزار رہے ہیں۔

بھارتی حکومت کا کہنا ہے کہ 'وہ نیرو مودی کے معاملے میں برطانوی حکومت کے جواب کا انتظار کر رہی ہے'۔

روزنامہ ٹیلی گراف کے مطابق ان دنوں نیرو مودی 75 کروڑ کے مالیات والے عالیشان بنگلے میں رہ رہے ہیں۔

بھارتی حکومت کی جانب سے گذشتہ برس جولائی میں انہیں واپس کرنے کی بات کہی تھی۔ ان پر 13 ہزار کروڑ روپے کی بدعنوانی کا الزام ہے۔

وزارت خارجہ کے ترجمان رویش کمار نے میڈیا کو بتایا کہ 'نیرو مودی ان دنوں لندن میں رہائش پذیر ہیں۔ اور ان کی حوالگی کی درخواست پر برطانیہ کو فیصلہ کرنا ہے'۔

حکومت نے کہا کہ ہیروں کےمفرور تاجر نیرو مودی کی حوالگی کے لیے تمام اقدامات کئے جارہے ہیں اور برطانوی حکومت اس بارے میں بھارت کی درخواست پر غور کررہی ہے۔

وزارت خارجہ کے ترجمان رویش کمار نے آج یہاں نامہ نگاروں کے اس بارے میں پو چھے گئے سوالات کے جواب میں کہا کہ 'آپ جانتے ہیں کہ ہم نے نیرو مودی کی حوالگی کے لیے گزشتہ اگست میں درخواست دی تھی۔

اب تک جوں کی توں صورتحال ہے۔ برطانیہ کو ابھی بھی قدم اٹھانا ہے یا کہیں کہ وہ ابھی بھی ہماری درخواست پر غور کررہا ہے۔

انہوں نے کہا کہ نیرو مودی کی حوالگی کے لئے دو درخواستیں دی گئی ہیں ایک انفورسمنٹ ڈائرکٹوریٹ نے دی ہے اور دوسری مرکزی تفتیشی بیورو نے دی ہے۔

وزارت خارجہ نے یہ دونوں درخواستیں برطانوی حکومت کو بھیج دی تھیں۔

ہمیں بتایا جارہا ہے کہ دونوں ہی درخواستوں پر برطانوی حکام غور و خوض کرر ہے ہیں۔ اس بارے میں ہمیں کوئی اطلاع نہیں ملی ہے۔