یو جی سی کی نئی ہدایات جاری

مہلک وبا کورونا وائرس میں جہاں ایک کے بعد دیگرے محکمات کھل رہے ہیں وہیں اب یونیورسٹی گرانٹ کمیشن نے بھی یونیورسٹیز کو کھولنے کی ایک نئی ہدایات جاری کی ہے۔

قومی دارالحکومت دہلی میں واقع یونیورسٹی گرانٹ کمیشن (یو جی سی) کی طرف سے یونیورسٹی کھولنے کے لیے نئی ہدایات جاری کردی گئیں۔

اسی کے ساتھ ہی یو جی سی کی جانب سے جاری کردہ رہنما خطوط کے مطابق ریاستی حکومت ریاست میں یونیورسٹی اور کالجز میں جسمانی طور پر کلاسز شروع کرنے کا فیصلہ کرے گی۔

اس کے علاوہ مرکز کے ذریعہ مالی اعانت والے اعلیٰ تعلیمی اداروں کے سربراہان کورونا مدت میں جسمانی کلاسز شروع کرنے کا فیصلہ کریں گے۔

نیز جاری کردہ نئے رہنما خطوط میں کہا گیا ہے کہ یونیورسٹی اور کالج کے کیمپس کو مرحلہ وار کھولا جاسکتا ہے۔ اسی دوران یو جی سی نے کہا کہ مرکزی حکومت کی جانب سے جاری کردہ کورونا قوانین پر سختی سے عمل کرنا ہوگا۔

یونیورسٹی گرانٹ کمیشن نے بھی یونیورسٹیز کو کھولنے کی ایک نئی ہدایات جاری کی ہے

اسی کے ساتھ ہی یو جی سی کے جاری کردہ رہنما خطوط میں کہا گیا ہے کہ سائنس ٹیکنالوجی کورسز کے پوسٹ گریجویشن کے طلبا کو پہلے کالج بلایا جاسکتا ہے۔ اس کے علاوہ یہ بھی کہا گیا ہے کہ ان کورسز میں طلبہ کی تعداد بھی بہت کم ہے۔

یو جی سی کی نئی رہنما خطوط میں اداروں کے سربراہوں کو ہدایت دی گئی ہے کہ آخری برس کے طلبا کو تعلیمی اور تقرری کے پیش نظر بلایا جاسکے، لیکن طلبہ کی حاضری 50 فیصد سے زیادہ نہیں ہونی چاہیے۔

یو جی سی کی جانب سے جاری کردہ نئی رہنما خطوط میں مزید کہا گیا ہے کہ اگر کسی طالب علم کو کورونا انفیکشن کی علامت ہے تو اس طالب علم کو یونیورسٹی کے ہاسٹل یا کیمپس میں روم شیئر کرنے کی اجازت نہیں ہونی چاہیے۔

یونیورسٹی اور کالج کے کیمپس کو مرحلہ وار کھولا جاسکتا ہے

یو جی سی نے یہ بھی کہا گیا ہے کہ مرکزی حکومت کے جاری کردہ کورونا کے قواعد کی سختی سے پابندی کرنا لازمی ہے۔ اور یونیورسٹیز اور کالجز میں ماسک اور معاشرتی فاصلے پر سختی سے عمل کیا جائے۔

یو جی سی نے کہا ہے کہ یونیورسٹی اور کالج کو صرف اس صورت میں کھولنے کی اجازت دی جاسکتی ہے جب وہ کنٹینمنٹ زون سے باہر ہوں گے۔

یو جی سی نے یہ بھی کہا کہ کنٹینمنٹ زون میں رہنے والے طلبا اور اساتذہ کوکالج میں داخلے کی اجازت نہیں ہوگی۔

اس کے علاوہ یہ بھی کہا جاتا ہے کہ فون میں 'آروگیہ سیتو ایپ' ڈاؤن لوڈ کرنے کے لیے ہر ایک کی حوصلہ افزائی کی جانی چاہیے۔

یو جی سی آخیر میں کہا کہ اگر طلبہ چاہیں تو وہ گھر سے آن لائن بھی کلاسز کرسکتے ہیں۔