دہلی: پسچم وہار علاقے میں دو نوجوان کا قتل

دارالحکومت دہلی کے پسچم وہار علاقے کی جوالاپوری کالونی میں دوہرے قتل کی واردات سے علاقے میں افرا تفری کا ماحول پیدا ہو گیا۔ بتایا جا رہا ہے کہ یہ واقعہ روڈ ریج کے دوران پیش آیا۔

دہلی کے پسچم وہار ویسٹ تھانہ علاقے میں دو نوجوانوں کا قتل کردیا گیا۔ اس معاملے میں ایڈیشنل ڈی سی پی سدھانشو دھاما نے بتایا کہ قتل کی یہ واردات روڈ ریج کے دوران ہوئی ہے۔

دوہرے قتل کی یہ واردات پسچم وہار ویسٹ تھانہ علاقے کے ادیوگ نگر میٹرو اسٹیشن جوالاپوری کالونی میں ہوئی ہے۔

بتایا جا رہا ہے کہ بات اتنی بڑھ گئی ہے کہ آپس میں مارپیٹ کی نوبت آگئی۔ اس کے بعد دو لڑکوں پر جان لیوا حملہ کر دیا گیا۔ جس میں دونوں کی موت ہوگئی۔

قتل میں شامل دونوں ملزمین کو پولیس نے حراست میں لے لیا ہے۔ مزید پوچھ گچھ کی جا رہی ہے۔