نئی دہلی: دہلی کی کھڈا کالونی میں جمعرات کی شام ایک دو سالہ بچے کو ٹریکٹر نے کچل کر ہلاک کر دیا۔ ایک افسر نے یہ اطلاع دی۔ پولیس کے مطابق اپولو ہسپتال سے آرو نامی دو سالہ بچے کے میڈیکو لیگل کیس (ایم ایل سی) کے حوالے سے کال موصول ہوئی تھی جو دوران علاج دم توڑ گیا۔ ایک سینئر پولیس افسر نے بتایا کہ اس کے بعد پولیس کی ایک ٹیم نے ایم ایل سی رپورٹ جمع کی، جس میں انکشاف ہوا کہ ڈاکٹر نے دیکھا کہ آرو کو جمعرات کی شام 7:30 بجے کے قریب ٹریکٹر سے کچل کر ہلاک کر دیا گیا تھا۔ افسر نے بتایا کہ کرائم ٹیم کو جائے وقوعہ کا معائنہ کرنے کے لیے بلایا گیا تھا۔ شکایت کنندہ اور آرو کے والد دیپک بگھیل کا بیان ریکارڈ کیا گیا ہے۔
Delhi Road Accident دہلی میں دو سالہ بچے کی ٹریکٹر سے کچل کر موت - کھڈا کالونی میں سڑک حادثہ
دہلی کی کھڈا کالونی میں پیش آئے سڑک حادثے میں دو سالہ بچے کی موت ہو گئی۔ بچے کی موت ٹریکٹر کے زد میں آنے سے ہوئی۔ پولیس معاملے کی تفتیش کر رہی ہے۔ Road Accident in Khadda Colony
دہلی میں دو سالہ بچے کی ٹریکٹر سے کچل کر موت
یہ بھی پڑھیں: Tractor Driver Dies بارہمولہ میں ٹریکٹر الٹنے سے ڈرائیور ہلاک
شکایت کنندہ کے بیان، ایم ایل سی کے مشاہدے اور واقعہ کے حالات کی بنیاد پر، کالندی کنج پولیس اسٹیشن میں تعزیرات ہند (آئی پی سی) کی متعلقہ دفعات کے تحت مقدمہ درج کیا گیا ہے۔ افسر نے بتایا کہ گاڑی کو ضبط کر لیا گیا ہے اور ملزم مستقیم (25) کو گرفتار کر لیا گیا ہے۔ واضح رہے کہ دو روز قبل وسطی دہلی کے فیروز شاہ روڈ پر کار کی ٹکر سے ایک 25 سالہ شخص زخمی ہو گیا۔ پولیس نے یہ اطلاع دی تھی۔ ایک اہلکار نے بتایا کہ زخمی کی شناخت منوج کے طور پر ہوئی تھی۔ انہوں نے بتایا کہ منگل کو ایک کار نے مبینہ طور پر رکشہ کو ٹکر ماری اور منوج کو کچھ فاصلے تک گھسیٹا۔ وہیں کار ڈرائیور کو گرفتار کر لیا گیا ہے۔