سلینڈر پھٹنےسے دو ہلاک

حادثے میں ماں بیٹی کی موت ہوگئی جبکہ ایک شخص کی حالت نازک ہے۔

دارالحکومت دہلی کے کراول نگرعلاقے میں واقع ایک گھر میں منگل کو رسوئی گیس سلینڈر پھٹنےسے دو لوگوں کی موت ہوگئی، ایک دیگر زخمی ہوگیا۔

پولیس اور فائربریگیڈ محکمے کے ذرائع نے بتایا کہ 'سلینڈر پھٹنے کی اطلاع صبح 10بج کر 45منٹ پر ملی۔ موقع پر فائربریگیڈ کی دو گاڑیوں کو بھیجا گیا۔'
انہوں نے بتایا کہ اس حادثے میں ماں بیٹی کی موت ہوگئی جبکہ ایک شخص کی حالت نازک ہے۔

شدید طورپر زخمی راجیش کو جی ٹی بی اسپتال میں داخل کرایا گیا ہے۔

پولیس نے کہا کہ 'سلینڈر پھٹنے کی وجہ ابھی تک واضح نہیں ہوسکی ہے۔

فی الحال معاملے کی تحقیقات کی جارہی ہے۔