India Corona Update ملک میں گذشتہ چوبیس گھنٹے کے دوران کورونا سے دو مریضوں کی موت

ملک میں گذشتہ 24 گھنٹوں کے دوران کورونا انفیکشن کے 291 نئے کیسز سامنے آنے کے ساتھ ہی متاثرہ افراد کی کل تعداد 4,46,71,853 ہو گئی ہے۔ New corona cases in India

نئی دہلی: ملک میں گزشتہ 24 گھنٹوں میں وبا کی وجہ سے دو مریضوں کی موت کی وجہ سے مرنے والوں کی کل تعداد 5,30,614 تک پہنچ گئی ہے اور فعال کیسز کی شرح 0.1 فیصد ہے۔ صحت اور خاندانی بہبود کی مرکزی وزارت نے پیر کو کہا کہ صبح 7 بجے تک 219.90 کروڑ سے زیادہ ویکسین دی گئی ہیں۔ ملک میں گزشتہ 24 گھنٹوں کے دوران کورونا انفیکشن کے 291 نئے کیسز سامنے آنے کے ساتھ ہی متاثرہ افراد کی کل تعداد 4,46,71,853 ہو گئی ہے۔ وزارت صحت کے مطابق گزشتہ 24 گھنٹوں کے دوران ملک میں کورونا وبا سے 429 افراد کی صحت یابی کے بعد شفایاب ہونے والوں کی مجموعی تعداد 4 کروڑ 41 لاکھ 36 ہزار 116 ہوگئی ہے اور صحت یاب ہونے کی شرح 98.80 فیصد ہے۔ اموات کی شرح 1.19 فیصد پر برقرار ہے۔ new corona death cases in India

ملک کی تین ریاستوں اور دو مرکز کے زیر انتظام علاقوں میں کورونا ایکٹیو کیسز میں اضافہ ہوا ہے۔ باقی ریاستوں اور مرکز کے زیر انتظام علاقوں میں ایکٹیو کیسز میں کمی آئی ہے۔ کیرالہ میں 20 فعال کیسوں کی کمی کے ساتھ، ان کی کل تعداد کم ہو کر 1,745 ہوگئی ہے۔ اسی عرصے کے دوران کورونا وبا سے صحت یاب ہونے والوں کی تعداد 67,52,798 اور مرنے والوں کی تعداد 71,492 ہو گئی ہے۔ کرناٹک میں کورونا کے سات فعال کیسوں کے اضافے کے ساتھ، ان کی کل تعداد بڑھ کر 1,625 ہوگئی ہے اور صحت یاب ہونے والوں کی تعداد 40,29,188 تک پہنچ گئی ہے۔ ریاست میں مرنے والوں کی تعداد 40,303 ہو گئی ہے۔ مہاراشٹر میں کورونا انفیکشن کے 53 ایکٹو کیسز میں کمی کی وجہ سے ان کی کل تعداد 451 پر آ گئی ہے اور اس بیماری سے چھٹکارا پانے والوں کی تعداد بڑھ کر 79,86,827 ہو گئی ہے۔ ریاست میں مرنے والوں کی تعداد 1,48,406 ہے۔ جموں و کشمیر میں سات فعال کیسز بڑھ کر 26 ہو گئے ہیں۔ اس دوران اس وبا سے چھٹکارا پانے والوں کی کل تعداد 4,74,552 ہو گئی ہے۔ ریاست میں مرنے والوں کی تعداد 4,785 پر مستحکم ہے۔

قومی راجدھانی میں کورونا انفیکشن کے پانچ فعال کیسوں میں اضافے کے ساتھ ان کی کل تعداد 30 ہو گئی ہے۔ اس کے ساتھ ہی وبا سے چھٹکارا پانے والوں کی کل تعداد 19,80,386 ہو گئی ہے۔ ریاست میں مرنے والوں کی تعداد 26517 پر مستحکم ہے۔ تمل ناڈو میں 25 ایکٹو کیسز کی کمی کے ساتھ ان کی کل تعداد 268 رہ گئی ہے اور اس وبا سے صحت یاب ہونے والوں کی تعداد 35,55,770 تک پہنچ گئی ہے۔ مرنے والوں کی تعداد 38,049 پر مستحکم ہے۔ گجرات میں کورونا کے 9 فعال کیسز کم ہو کر 212 ہو گئے ہیں۔ اس دوران وبا سے چھٹکارا پانے والوں کی کل تعداد 12,66,171 ہوگئی، ہلاکتوں کی تعداد 11,043 ہوگئی۔ راجستھان میں کورونا انفیکشن کے 12 فعال کیسوں کی کمی کے ساتھ ان کی کل تعداد 94 پر آ گئی ہے۔ اس سے نجات پانے والوں کی کل تعداد بڑھ کر 13,05,467 ہوگئی ہے اور مرنے والوں کی تعداد 9,653 پر مستحکم ہے۔

یو این آئی