راہل گاندھی کا ٹوئٹر اکاؤنٹ عارضی طور پر معطل کیے جانے کے بعد کانگریس پارٹی نے دعویٰ کیا ہے کہ رندیپ سرجے والا سمیت پانچ سینیئر رہنماؤں کے اکاؤنٹس کے خلاف بھی اسی طرح کی کارروائی کی گئی ہے۔
پارٹی نے کہا کہ آل انڈیا کانگریس کمیٹی کے جنرل سکریٹری اور سابق مرکزی وزیر اجے ماکن، پارٹی کے ترجمان رندیپ سنگھ سرجے والا، لوک سبھا میں پارٹی کے وہپ مانیکم ٹیگور، آسام انچارج اور سابق مرکزی وزیر جتیندر سنگھ اور مہیلا کانگریس صدر سشمیتا دیو کے ٹویٹر اکاؤنٹس بند کردیے گئے ہیں۔