Journalist Aamir Saleem Khan پریس کلب آف انڈیا میں صحافی عامر سلیم کی تعزیتی تقریب

پریس کلب آف انڈیا کے صدر اوماکانت لکھیرا نے تعزیت پیش کرتے ہوئے کہا کہ بہت افسوس ہے کہ ایک ہونہار اردو کے صحافی اتنی کم عمر میں اس دنیا سے چلے گئے، انہوں نے اشکبار آنکھوں سے کہا کہ انہیں کبھی کسی نے نہیں بتایا کہ عامر سلیم دل کے عارضہ میں مبتلا تھے۔Tributes were paid to late journalist Amir Salim

اردو کے نوجوان صحافی مرحوم عامر سلیم کے انتقال پر پریس کلب آف انڈیا میں ایک تعزیتی نشست کا انعقاد کیا گیا جس میں دہلی کے معروف اردو صحافیوں نے کثیر تعداد میں شرکت کی اور عامر سلیم کے ساتھ اپنے تعلقات کا اظہار کرتے ہوئے انہیں خراج عقیدت پیش کیا۔Tributes were paid to late journalist Amir Salim
پریس کلب آف انڈیا کے صدر اوماکانت لکھیرا نے تعزیت پیش کرتے ہوئے کہا کہ بہت افسوس ہے کہ ایک ہونہار اردو کے صحافی اتنی کم عمر میں اس دنیا سے چلے گئے، انہوں نے اشکبار آنکھوں سے کہا کہ انہیں کبھی کسی نے نہیں بتایا کہ عامر سلیم دل کے عارضہ میں مبتلا تھے ،وہ دوسروں کے لئے بہت مدد کرتے ہیں عامر سلیم صاحب کی ضرور وہ مدد کرتے ۔پریس کلب انڈیا کے صدر نے کہا کہ ان کے لواحقین کے لئے جو بھی مدد ہوگی وہ کریں گے یہی ان کے لئے سچا خراج عقیدت ہوگا۔

اردو اکادمی دہلی کے چیئر میں حاجی تاج محمد نے کہا کہ عامرسلیم صاحب کی موت کی خبر سن کر انہیں صدمہ پہنچا ہے، اردو اکادمی جو کرسکتی ہے ان کے اہل خانہ کے لئے کرے گی-سیاسی تقدیر کے ایڈیٹر محمد مستقیم خان نے کہا کہ عامر سلیم نے اپنی تحریر سے سڑک چھاپ لوگوں کو سیاسی لیڈر بنا دیا لیکن اج جب ان کی وفات ہوگئی تو کوئی ان کی خبر لینے تک نہیں آیا جو افسوسناک ہے۔

سینئر صحافی جاوید رحمانی نے کہا کہ عامر سلیم صاحب کی موت نے پوری اردو برادری کو غمزدہ کردیا اس کی مثال ان کی جنازہ کی نماز میں دیکھنے کو ملا جہاں ہر طبقے کے چھوٹے بڑے لوگوں نے شرکت کی۔ان کے علاوہ شعیب رضا فاطمی،امیر امروہوی، اے این شبلی ،فرزان قریشی،خرم شہزاد وغیرہ نے اپنے تاثرات کا اظہار کیا۔