'دہلی سے ممبئی اور ہاؤڑہ کے راستوں پر ٹرینوں کی رفتار میں اضافہ ہوگا'

بھارتی ریلوے دہلی۔ہاؤڑہ اور دہلی-ممبئی روٹ پر 160 کلومیٹر فی گھنٹہ کی رفتار سے ٹرینیں چلانے کی تیاری کر رہی ہے۔ در اصل بھارتی ریلوے نے کووڈ بحران کی وجہ سے بند ہونے والی ریل سروس کا بھرپور فائدہ اٹھایا اور پرانے پلوں کی مرمت، گارڈنگ، ریلوے لائنوں کو دوگنا کرنے اور بجلی کی فراہمی سمیت طویل عرصے سے زیر نگرانی کاموں پر توجہ دی ہے۔

بھارتی ریلوے دہلی۔ہاؤڑہ اور دہلی-ممبئی روٹ پر اپنی رفتار بڑھا رہی ہے۔ مختصر وقت میں منزل تک پہنچنے کے لئے ریلوے ان راستوں پر ٹرینوں کی رفتار 160 کلومیٹر فی گھنٹہ تک بڑھا رہی ہے۔

ریلوے بورڈ کے سگنل اور ٹیلی کام محکمہ کے ممبر پردیپ کمار نے کہا 'ہم دہلی-ہاؤڑہ اور دہلی-ممبئی روٹ کے لئے ٹرینوں کی رفتار 160 کلومیٹر فی گھنٹہ تک بڑھانے کا منصوبہ بنا رہے ہیں۔ یہ راستے فٹنس اور سگنلنگ کے لیے تقریباً تیار ہیں۔ اس تیز رفتار ٹرینوں کے رواں مالی سال میں چلنے کی توقع ہے۔

پردیپ کمار نے یہ بھی کہا کہ 'سوارنم چتر بھوج' راستے پر جس میں دہلی-ممبئی ، دہلی ، ہاؤڑہ اور دہلی-چنئی راستے شامل ہیں، ریلوے 130 کلومیٹر فی گھنٹہ کی رفتار سے زیادہ سے زیادہ ٹرینیں چلانے کے لئے تیار ہے۔

کمار نے کہا کہ گزشتہ سالوں سے ریلوے مستقل کوششیں کررہی ہے۔ ریلوے تکنیکی طور پر بھی تمام پٹریوں ، سگنلز، کوچوں وغیرہ کو اپ گریڈ کر رہا ہے۔

پردیپ کمار نے کہا ، 'ہم نے سنگین رکاوٹوں لو دور کردی ہیں۔ بہت سی ٹرینوں میں ایل ایچ بی کے نئے کوچ لگائے گئے ہیں۔ اب ان ٹرینوں کی رفتار 120 سے 130 کلومیٹر فی گھنٹہ ہوگی۔

وندے بھارت ایک سیمی ہائی اسپیٹ ٹرین ہے، جو ان راستوں پر چلتی ہے اور یہ 130 کلومیٹر فی گھنٹہ کی رفتار سے چل سکتی ہے۔ ریلوے کے ذریعہ راجدھانی ایکسپریس اور شتابدی ایکسپریس کی رفتار میں بھی اضافہ کیا گیا ہے۔