اطلاعات کے مطابق کیو آر کوڈ کو سکین کرنے سے سیاحوں کو آواز کے ذریعہ سے گینڈا، سفید شیر، بنگال ٹائیگر، ہاتھی اور دریائی گھوڑے کے بارے میں جانکاری ملے گی۔
چڑیا گھر انتظامیہ کے ایک افسر نے بتایا کہ کیو آر سہولیات کو شروع کرنےکے لیے طویل عرصے سے کوششیں کی جارہی تھیں۔
انہوں نے کہا کہ اگر یہ منصوبہ کامیاب رہا تو مستقبل میں دیگر جنگلاتی زندگی کے بارے میں سیاحوں کو صرف سکین کرنے سے معلومات حاصل ہوجائے گی۔
واضح رہے کہ کیو آر کوڈ کو سکین کرنے سے سیاحوں کو ہندی زبان میں چٹریا گھر کی تاریخ سے سفید شیر، گینڈا، دریائی گھوڑا، بنگال ٹائیگر اور ہاتھی کی موجودہ حالات کے بارے مین جانکاری ملے گی۔
سکین کی مدد سے یہ بھی معلوم ہوگا کہ کون سا جانور چڑیا گھر میں کب آیا، اس کا نام کیا ہے، اسے کہاں سے لایا گیا اور وہ کیا کھاتا ہے ان سب موضوع کے بارے میں معلومات مہیا کی جائے گی۔
واضح رہے کہ چڑیا گھر انتظامیہ نے چڑیا گھر کے داخلی دروازے ، سبھی بیٹری آپریٹیڈ ٹرالی اور جہاں سفید شیر، گینڈا، دریائی گھوڑا، بنگال ٹائیگر اور ہاتھی کو رکھا گیا ہے ان کے باہر کیو آر کوڈ لگائے گئے ہیں۔