Covid Vaccination Campaign کووڈ ویکسینیشن مہم میں 218.93 کروڑ سے زیادہ ٹیکے لگائے گئے

بھارت میں گزشتہ 24 گھنٹے میں دو لاکھ 66 ہزار 839 کووڈ ٹیسٹ کیے گئے، ملک میں کُل 89 کروڑ 67 لاکھ 48 ہزار 226 کووڈ ٹیسٹ کیے جا چکے ہیں۔ Total Covid Test in India

نئی دہلی: قومی کووڈ ویکسینیشن مہم کے تحت ملک بھر میں 218.93 کروڑ سے زیادہ کووڈ ویکسین لگائی گئی ہیں۔ مرکزی وزارت صحت اور خاندانی بہبود نے ہفتہ کو یہاں بتایا کہ آج صبح 7 بجے تک دو ارب 18 کروڑ 93 لاکھ 14 ہزار 422 ویکسین دی گئی ہیں۔ Total Vaccination in India

وزارت نے کہا کہ گزشتہ 24 گھنٹوں میں کووڈ انفیکشن کے 2797 نئے مریض سامنے آئے ہیں۔ اس کے ساتھ ہی ملک میں کورونا کے مریضوں کی تعداد 29 ہزار 251 رہ گئی ہے۔ یہ متاثرہ کیسز کا 0.07 فیصد ہے۔ انفیکشن کی یومیہ شرح 1.07 فیصد تک پہنچ گئی ہے۔

وزارت نے کہا کہ اسی مدت میں 3884 افراد کووڈ سے صحت یاب ہوئے ہیں۔ اب تک کووڈ سے کل 4 کروڑ 40 لاکھ 51 ہزار 228 مریض صحت یاب ہو چکے ہیں۔ شفایابی کی شرح 98.75 فیصد ہے۔ گزشتہ 24 گھنٹے میں دو لاکھ 66 ہزار 839 کووڈ ٹیسٹ کیے گئے، اس کے ساتھ ہی ملک میں کل 89 کروڑ 67 لاکھ 48 ہزار 226 کووڈ ٹیسٹ کیے جا چکے ہیں۔

یو این آئی