Covid Vaccination Campaign کووڈ ویکسینیشن مہم کے تحت 217.41 کروڑ سے زیادہ ٹیکے لگائے گئے

ملک بھر میں قومی کووڈ ویکسینیشن مہم کے تحت 217.41 کروڑ سے زیادہ کووڈ کے ٹیکے لگائے گئے ہیں۔ India Vaccination Campaign

نئی دہلی:ملک بھر میں قومی کووڈ ویکسینیشن مہم کے تحت 217.41 کروڑ سے زیادہ کووڈ کے ٹیکے لگائے گئے ہیں۔ صحت اور خاندانی بہبود کی وزارت نے ہفتہ کو یہاں بتایا کہ آج صبح 7 بجے تک دو ارب 17 کروڑ 41 لاکھ 4 ہزار 791 ویکسین لگائی گئی ہیں۔ Total Vaccination in India

وزارت نے کہا کہ گزشتہ 24 گھنٹوں میں کووڈ انفیکشن کے 4,912 نئے مریض سامنے آئے ہیں۔ اس کے ساتھ ہی ملک میں کورونا کے مریضوں کی تعداد 44 ہزار 436 تک پہنچ گئی ہے۔ یہ متاثرہ کیسز کا 0.10 فیصد ہے۔ یومیہ انفیکشن کی شرح 1.62 فیصد تک پہنچ گئی ہے۔

وزارت نے کہا کہ اسی مدت میں 5,719 لوگوں نے کووڈ سے نجات حاصل کی۔ اب تک کووڈ سے کل 4 کروڑ 39 لاکھ 90 ہزار 414 مریض صحت یاب ہو چکے ہیں۔ شفایابی کی شرح 98.71 فیصد ہے۔ گزشتہ 24 گھنٹے میں ملک میں 3 لاکھ 7 ہزار 888 کووڈ ٹیسٹ کیے گئے ہیں۔ ملک میں ابتک کل89 کروڑ 33 لاکھ 52 ہزار 145 کووڈ ٹیسٹ کیے گئے ہیں۔

یو این آئی