نئی دہلی: یہ بڑے فخر کی بات ہے کہ جامعہ ہمدرد کو ٹائمز ہائر ایجوکیشن ورلڈ یونیورسٹی رینکنگ (WUR) 2023 میں 1799 عالمی یونیورسٹیوں میں 601 سے 800 رینکنگ بینڈ میں رکھا گیا ہے۔ یہ گزشتہ سال کی رینک1001-1200 سے نمایاں چھلانگ ہے۔ یہ اطلاع جامعہ ہمدرد کی جاری کردہ ریلیز میں دی گئی ہے۔Times Higher Education Rankings 2023
ریلیز کے مطابق جامعہ ہمدرد ٹائمز ہائر ایجوکیشن کی طرف سے درجہ بندی کی گئی تمام یونیورسٹیوں/ اداروں میں بھارت بھر میں 10ویں نمبر پر ہے۔اس موقع پر مسٹر حماد احمد، چانسلر اور پروفیسر (ڈاکٹر) ایم افشار عالم، وائس چانسلر، جامعہ ہمدرد نے تمام فیکلٹی ممبران، رجسٹرار، مسٹر ایس ایس اختر؛ ڈائریکٹر، IQAC، پروفیسر (ڈاکٹر) رئیس الدین اور رینکنگ ٹیم، طلباء اور عملہ کو اس بڑی کامیابی پر خصوصی مبارکباد دی۔