Hijab Ban Case حجاب معاملہ پر 5 ستمبر کو سماعت

کرناٹک کے تعلیمی اداروں میں حجاب پر پابندی کے معاملہ پر سماعت کے دوران جسٹس ہیمنت گپتا اور سدھانشو دھولیا کی بنچ کو سالیسٹر جنرل تشار مہتا نے بتایا کہ درخواست گزاروں کی طرف سے التوا کا ایک خط جاری کیا گیا ہے۔SC Notice To Karnataka Over High Court's Hijab Ban ORder

سپریم کورٹ نے پیر کو کرناٹک کے تعلیمی اداروں میں حجاب پہننے پر پابندی کے جواز کو چیلنج کرنے والی درخواستوں پر سماعت کرتے ہوئے زبانی طور پر مشاہدہ کیا، سماعت کے دوران جسٹس ہیمنت گپتا اور سدھانشو دھولیا کی بنچ کو سالیسٹر جنرل تشار مہتا نے بتایا کہ درخواست گزاروں کی طرف سے التوا کا ایک خط جاری کیا گیا ہے، یہ سن کر جسٹس گپتا نے کہا کہ یہ ہمارے لیے قابل قبول نہیں ہے، آپ فوری فہرست چاہتے تھے اور جب معاملہ درج ہوا ہے تو آپ ملتوی چاہتے ہیں۔ ہم فورم شاپنگ کی اجازت نہیں دیں گے۔( فورم شاپنگ یہ ایک قانونی اصلاح ہے،جس کے مطابق کسی معاملہ میں وکلاء عدالت میں اس امید سےجاتے ہیں کہ جہاں عدالت ان کے امیدوں کے مطابق فیصلہ صادر کرے)

درخواست گزاروں کے وکیل نے نشاندہی کی کہ اکثر وکلاء ملک بھر سے اور کچھ کرناٹک سے بھی آرہے ہیں اس پر جج نے فوری جواب دیا کرناٹک صرف 2.5 گھنٹے کی دوری پر ہے، ایس جی مہتا نے بنچ کو بتایا کہ معاملے کا کم از کم 6 بار لسٹ کرنے کی درخواست دی گئی تھی۔

درخواست گزاروں کے وکیل نے کہا کہ اس کی وجہ یہ تھی کہ اس وقت امتحانات شروع ہو رہے تھے، اس پر ایس جی مہتا نے حیرت سے پوچھا کہ آپ نے بغیر تیاری کیے ذکر کیا؟‘ہم اس قسم کی فورم شاپنگ کی اجازت نہیں دیں گے"۔

واضح رہے کہ جسٹس گپتا، 16 اکتوبر کو سبکدوش ہو رہے ہیں۔اس معاملے میں دو ہفتے کا وقت مانگنے کی درخواست پر عدالت نے ریاست کرناٹک کو نوٹس جاری کیا ہے، اور 5 ستمبر 2022 کی اگلی تاریخ مقرر کی ہے۔

ریاست کرناٹک کی طرف سے پیش ہونے والے سالیسٹر جنرل نے کہا کہ اس معاملے میں کوئی جوابی حلف نامہ ضروری نہیں ہوسکتا ہے کیونکہ صرف قانون کا سوال شامل ہے۔

بنچ کے سامنے 23 درخواستیں لسٹڈ ہیں۔ ان میں سے کچھ مسلم طالبات کے حجاب پہننے کا حق مانگنے کے لیے سپریم کورٹ میں براہ راست دائر کی گئی رٹ پٹیشنز ہیں۔ کچھ دیگر خصوصی چھٹی کی درخواستیں ہیں جو کرناٹک ہائی کورٹ کے 15 مارچ کے فیصلے کو چیلنج کرتی ہیں جس میں حجاب پر پابندی کو برقرار رکھا گیا تھا۔