کہیں بھی تھوکنے کے مسئلہ سے اب ملے گی نجات

آج ایزی اسپٹ کا افتتاح قومی دارالحکومت دہلی کے ایک ہوٹل میں کیا گیا۔ اس موقع پر بالی ووڈ اداکار سنیل سیٹی سمیت دیگر شخصیات موجود تھیں۔

صفائی مہم کو آگے بڑھاتے ہوئے اب ایزی اسپٹ بھی اس مہم میں شامل ہوگیا ہے جس کا مقصد عوامی مقامات پر تھوکنے کے بڑھتے مسائل پر قدغن لگانا اور بھارت میں ماحولیاتی نظام کے بارے میں بیداری پیدا کرنا ہے۔ ایزی اسپٹ (EzySpit) کے ذریعہ تھوکنے کے لیے بنایا گیا کاغذ کا ایک خاص پاؤچ یا ڈبہ، جیسے ہی آپ اس میں تھوکیں گے، تھوک، بلغم ایک لمحے میں دانے دار کھاد میں بدل جائے گا۔

آج ایزی اسپٹ کا افتتاح قومی دارالحکومت دہلی کے ایک ہوٹل میں کیا گیا۔ اس موقع پر بالی ووڈ اداکار سنیل سیٹی سمیت دیگر شخصیات موجود رہیں۔

شریک فاؤنڈر ریتو ملہوترا نے کہا کہ 'یہ ایسا انقلابی پروڈکٹ ہے جو جراثیم پھیلانے کے خوف کے بغیر کہیں بھی تھوکنے کی آزادی دیتی ہے۔'

اس میں ایسے مواد موجود ہیں جو بیکٹریا اور وائرس کو ختم کردیتا ہے۔ یہ انوکھی ایجاد پرتک ہردے اور پرتک کمار ملہوترہ کے ساتھ مل کر 7 سالہ ریسرچ اور سخت محنت کے بعد کی گئی ہے۔

بتادیں کہ پانچ روپے کا ایک پاؤچ کئی بار تھوکنے کے لیے مفید ہوگا۔ پھر جہاں آپ اسے پھینکیں گے وہاں پودا بھی اُگے گا۔ ایزی اسپٹ کی شریک بانی ریتو ملہوترا نے کہا کہ 'انہیں یقین ہے کہ عوامی مقامات پر تھوکنے کا تصور ٹوٹ جائے گا۔'

اس موقع پر فلم اداکار سنیل سیٹھی نے کہا کہ 'مینو فیکچرز کو 100 فیصد آسان، قابل عمل اور پائیدار مصنوعات بنانے پر مبارکباد دیتا ہوں۔ اس سے معاشرے میں انقلاب آئے گا ہر کوئی جانتا ہے کہ کھلے میں تھوکنے کی عادت بہت بری ہے اور اس کے داغ صاف کرنا خود ایک چیلنج ہے۔'

واضح رہے کہ انڈین ریلوے ہر سال 1200 کروڑ روپیے اور بہت سا پانی تھوک سے لگنے والے داغ اور نشانات کو صاف کرنے کے لیے خرچ کرتا ہے لیکن ایزی اسپٹ سے صفائی بھی رکھی جاسکتی ہے اور خرچہ بھی بچایا جاسکتا ہے۔