صدرکووند کی اہل وطن کو دیوالی کی مبارک باد

صدر رام ناتھ کووند نے اہل وطن کو تاریکی پر روشنی کی جیت کے تہوار 'دیوالی' کی مبارک باد دی اور نیک خواہشات پیش کیں۔

کووند نے دیوالی کے مبارک موقع پر سنیچر کو اپنے پیغام میں کہا کہ 'دیوالی کے مبارک موقع پر میں اہل وطن اور بیرون ممالک میں رہ رہے بھارتیوں کو مبارک باد اور نیک خواہشات پیش کرتا ہوں۔'

انہوں نے کہا کہ 'دیوالی مایوسی پر امید، برائی پر اچھائی اور تاریکی پر روشنی کی جیت کا مظہر ہے۔
آئیے اس دن ہمیں محبت، ہم آہنگی اور میل جول کا چراغ جلاتے ہوئے ہم سبھی کو بالخصوص ضرورت مندوں کی زندگی میں خوشیاں لانے کی کوشش کریں۔'

مسٹر کووند نے کہا کہ 'میری دعا ہے کہ اس تیوہار کے ذریعہ سے ملک کے ہر گھر میں خوشی، امن اورخوشحالی آئے۔'