ڈی یو میں درخواستوں کی تعداد 3 لاکھ سے تجاوز

دہلی یونیورسٹی میں تعلیمی سیشن 2020-21 میں گریجویٹ کورسز کے لئے درخواست دینے والے طلباء کی تعداد تین لاکھ سے تجاوز کر گئی ہے۔ ابھی تک گریجویشن کی تقریباً 71 ہزار سیٹوں کے لئے تین لاکھ سے زائد فارم جمع کرائے جاچکے ہیں جبکہ چار لاکھ 66 ہزار سے زیادہ رجسٹریشن ہو چکے ہیں۔

تعلیمی سیشن 2020-21 میں داخلے کے لئے دہلی یونیورسٹی میں فارم جمع کرانے کا ایک ریکارڈ بنایا جاسکتا ہے۔ گریجویٹ کورسز کے لئے درخواست دینے اور رجسٹریشن فیس جمع کروانے والے طلباء کی تعداد تین لاکھ سے تجاوز کر چکی ہے۔ جبکہ رجسٹریشن کرنے والے طلباء کی تعداد 4 لاکھ 67 ہزار سے تجاوز کرگئی ہے۔

واضح رہے کہ یہ پہلا موقع ہے جب ڈی یو میں انڈرگریجویٹ کورسز کے لئے درخواستوں کی تعداد تین لاکھ کو عبور کر چکی ہے۔

وہیں اب تک 301456 سے زیادہ طلباء نے رجسٹریشن فیس جمع کروائی ہے جس میں دہلی کے طلباء نے سب سے زیادہ درخواست دی ہے جس کی تعداد 1 لاکھ 30 ہزار کے قریب ہے۔ وہیں دوسرے نمبر پر اترپردیش، ہریانہ، بہار اور راجستھان کے رہنے والے طلباء ہیں۔