دہلی کے کھجوری ایکسٹینشن کی گلی نمبر 5 میں رہنے والے محمد انیس کے نام کے ساتھ جڑا بی ایس ایف کا نام بھی ان کے گھر کو نذر آتش ہونے سے نہیں بچا سکا۔
قابل ذکر ہے کہ 25 فروری کو جب دہلی میں شرپسندوں نے حملہ کیا تو بی ایس ایف کے جوان محمد انیس کے والد محمد منیس کو وقت رہتے پولیس نے گھر سے بحفاظت نکال لیا تھا۔
محمد منیس نے بتایا کہ 'جب یہ ہنگامہ ہوا تو انہوں نے سب سے پہلے اپنے بیٹے محمد انیس کو فون پر بتایا کیونکہ وہ ابھی اڑیسہ کے نکسلی علاقہ میں تعینات ہے، اس لیے وہ کچھ نہیں کر سکتا تھا۔ اس لیے انیس نے مجھے پولیس کو فوری طور پر آگاہ کرنے کے لیے کہا، لیکن پولیس نہیں پہنچی۔ تاہم کافی دیر بعد وہاں پولیس پہنچی اور انہیں بحفاظت گھر سے باہر نکال لیا گیا۔'
بی ایس ایف جوان محمد انیس کے والد محمد منیس نے بتایا کہ 'بی ایس ایف کے ڈی آئی جی پشپیندر سنگھ راٹھور نے گھر کا دورہ کرکے 10 لاکھ کی مالی مدد کا اعلان کیا ہے۔'
