Haldwani Issue ہلدوانی معاملہ یہ ہندو مسلم نہیں بلکہ انسانیت کا معاملہ ہے

جمیعت علمائے ہند کے سیکرٹری مولانا نیاز احمد فاروقی نے اپنے صاف الفاظ میں کہا کہ ہلدوانی میں پچاس ہزار لوگوں کو بے گھر کرنے کا معاملہ کسی ایک خاص مذہب کا معاملہ نہیں ہے اور نہ ہی اسے ہندو مسلم کے چشمے سے دیکھا جانا چاہیے اور جو اس کو ہندو مسلمان کرنے کی کوشش کر رہے ہیں وہ غلط کر رہے ہیں یہ دراصل انسانیت کا معاملہ ہے کیونکہ جہاں ایک طرف اس بڑی آبادی میں 21 مساجد ہیں تو وہیں دوسری طرف نو مندر بھی اس میں شامل ہیں۔Statement of Maulana Niaz Ahmad Farooqi on Haldwani issue

سپریم کورٹ نے ریاست اتراکھنڈ کے ہلدوانی میں ریلوے کی زمین سے مبینہ قبضہ ہونے سے متعلق معاملے پر اپنا فیصلہ دیا ہے سپریم کورٹ نے اتراکھنڈ ہائی کورٹ کے فیصلے پر 7 فروری 2023 تک کے لیے روک لگائی ہے۔ عدالت عظمی کے اس فیصلے سے تقریبا پچاس ہزار لوگوں کو راحت ملی ہے۔Statement of Maulana Niaz Ahmad Farooqi on Haldwani issue

اس معاملے میں ای ٹی وی بھارت کے نمائندے نے جمیعت علمائے ہند کے سیکرٹری مولانا نیاز احمد فاروقی سے بات کی دراصل جمعیت علمائے ہند کے پاس کچھ لوگوں نے درخواست دے کر ان سے قانونی مدد کا مطالبہ کیا تھا جس کے بعد جمعیت نے ہلدوانی میں گھروں پر بلڈوزر کی کارروائی پر روک لگانے کے لیے پیٹیشن داخل کی تھی۔

نیاز احمد فاروقی نے بتایا کہ سپریم کورٹ نے اپنے واضح الفاظ میں کہا کہ بھلے ہی یہ زمین آپ کی ہو لیکن پچاس ہزار لوگوں کو آپ سات دنوں میں خالی کرنے کے لئے کیسے کہہ سکتے ہیں۔ ریلوے کو ترقی کے ساتھ ساتھ ان لوگوں کی بازآبادکاری اور حقوق کے لیے منصوبہ تیار کرنا چاہیے۔ سپریم کورٹ نے کہا کہ ہمیں کوئی عملی حل تلاش کرنا ہوگا زمین کی نوعیت، حقوق کی نوعیت، ملکیت کی نوعیت وغیرہ سے پیدا ہونے والے کئی زاویے ہیں جن کی جانچ ہونی چاہیے۔

مولانا نیاز احمد فاروقی نے بتایا کہ اس کیس میں مختلف وکلاء نے اپنی اپنی پیٹیشن داخل کی ہے اس معاملے میں جمعیت خود پارٹی نہیں بنی بلکہ کچھ لوگوں کی جانب سے انہیں قانونی مدد فراہم کر رہا ہے۔ انہوں نے کہا کہ عدالت نے یہ بھی کہا کہ سبھی کو ایک ہی انداز سے نہیں دیکھا جا سکتا ہے کیونکہ ان میں کچھ لوگ ایسے بھی ہیں جن کے پاس اپنی زمین کے کاغذات بھی موجود ہیں اور لوگوں کے پاس زمین لیز پر لیے جانے کے دستاویزات بھی موجود ہیں۔

واضح رہے کہ اس معاملے کی سماعت جسٹس سنجے کشن کول، جسٹس ابھے ایس اوکا اور جسٹس اے نذیر کی بینچ کر رہی تھی۔ وہیں عرضی آج کا میچ گزاروں کی جانب سے سے سے سلمان خورشید پرشانت بھوشن، کولن گونسالوز، جمعیت کی جانب سے ایڈووکیٹ آن ریکارڈ منصور علی سمیت متعدد وکلاء پیش ہوئے۔