حکومت رفائل سودا گھپلے کی جے پی سی سے جانچ کرائے: راہل

کانگریس کے سابق صدر راہل گاندھی نے کہا ہے کہ رافیل لڑاکا طیارہ خریداری کے معاملے میں سپریم کورٹ کے جمعرات کے فیصلے سے صاف ہے کہ اس میں گھپلہ ہوا ہے اور حکومت کو اس سودے کی مشترکہ پارلیمانی کمیٹی (جے پی سی) سے مستعدی سے جانچ کرانی چاہئے۔

رافیل سودا معاملے میں سپریم کورٹ کے فیصلے کے بعد مسٹر گاندھی نے ٹوئیٹ کیا ’’سپریم کورٹ کے جج جسٹس جوزف نے رافیل گھپلے کی جانچ کے دروازے وسیع سطح پر کھول دیئے ہیں۔ اس معاملے کی جانچ مستعدی سے اور جے پی سی سے ہی کرائی جانی چاہئے‘‘۔

غور طلب ہے کہ جسٹس کے ایم جوزف کی صدارت والی بنچ نے رافیل سودا معاملے میں مرکزی حکومت کو کلین چٹ دینے کے اپنے فیصلے کے خلاف دائر تمام نظر ثانی عرضیاں مسترد کردی ہیں۔