قومی دارالحکومت دہلی میں کورونا سے متاثرہ مریض کی موت کے بعد اب انتظامیہ اہل خانہ کی غیر موجودگی میں جنازے کو آخری رسومات کے لئے نہیں بھیج سکتی ہے۔
مرکزی وزیر داخلہ امت شاہ نے دہلی کے تمام کورونا ہسپتالوں کو یہ حکم جاری کیا ہے۔ انہوں نے کہا ہے کہ مرنے والوں کی آخری رسومات کنبہ کی موجودگی میں ادا کی جائے۔
دراصل دہلی میں بہت سے معاملات ایسے تھے، جن میں کورونا متاثرہ شخص کی موت ہونے پر ان کے لواحقین کو اسپتال کے ذریعہ آگاہ نہیں کیا گیا تھا۔ کچھ دنوں تک لاشوں کو مردہ گھر میں رکھا گیا اور اس کے بعد آخری رسومات ادا کردی گئی تھی۔
ایسے معاملات سامنے آنے کے بعد مرکزی حکومت نے یہ احکامات جاری کئے ہیں۔
واضح رہے کہ 'اس وقت دہلی کے تمام اسپتالوں میں 36 افراد کی لاشیں ہیں جن کی آخری رسومات ادا نہیں کی گئی ہے ، کیونکہ ان سبھی کے اہل خانہ دہلی سے باہر تھے۔ کل ان سب کی موجودگی میں آخری رسومات ادا کی جائے گی۔
