ایڈیٹرس گلڈ نے پریس کی آزادی کے لیے کمیٹی تشکیل دی

گلڈ کی سربراہ سیما مصطفٰی کی جانب سے جاری ریلیز میں کہا گیا ہے کہ پریس کی آزادی سے متعلق میڈیا ان مشیروں سے قانونی صلاح ہ مشورہ کرسکے گا۔

ایڈیٹرس گلڈ آف انڈیا نے ملک میں پریس کی آزادی کے تحفظ کےلئے مشہورومعروف قانونی ماہرین کی ایک سات رکنی مشاورتی کمیٹی تشکیل دی ہے۔

گلڈ کی جانب سے آج جاری اعلامیہ کے مطابق ملک میں میڈیا پر کنٹرول کے واقعات کے پیش نظر اظہار رائے کی آزادی کے تحفظ کے لئے اس کمیٹی کی تشکیل کی گئی ہے جس میں سینیئر کانگریسی رہنما اور نامور ایڈووکیٹ کپیل سبل، شیام دیوان، راجیو نائر، مینکا گروسوامی، پرشانت کمار اور محترمہ شاہ رخ عالم جیسی شخصیات شامل ہیں۔

گلڈ کی سربراہ سیما مصطفٰی کی جانب سے جاری ریلیز میں کہا گیا ہے کہ پریس کی آزادی کو روکنے کے پیش نظر میڈیا ان مشیروں سے قانونی صلاح ہ مشورہ کرسکے ۔ ریلیزمیں یہ بھی کہا گیا ہے کہ گلڈ مستقبل میں اس کمیٹی کو مزید وسعت دے گا اور اس میں میڈیا اور اظہار رائے کی آزادی سے وابستہ دیگر قانون داں کو بھی شامل کرے گا۔