دہلی حکومت کا محکمہ ترقی برائے اطفال و خواتین جیوینائل جسٹس ایکٹ 2015 کے تحت جلد ہی دارالحکومت کے علاقوں میں یتیموں اور بے سہارا بچوں کے لئے ماہانہ مالی امداد شروع کرنے جارا ہے۔
وہ بچے جو اپنے رشتہ داروں کے ساتھ رہتے ہیں یا بے سہارا ہیں، دونوں اس کا فائدہ اٹھا سکتے ہیں۔ تاہم یہ اسکیم کب تک شروع ہوگی اور بچوں کو کتنی مالی مدد دی جائے گی، فی الحال محکمہ نے اس بارے میں کوئی معلومات نہیں دی ہے۔
آر ٹی آئی کارکن ہرپال رانا کا کہنا ہے کہ قومی دارالحکومت کے خطے میں اب تک کسی بھی حکومت کی طرف سے یتیموں یا بے سہارا بچوں کو کوئی مالی امداد نہیں دی جاتی تھی، لیکن حال ہی میں حکومت نے ہائی کورٹ میں بتایا ہے کہ قومی فیملی بینیفٹ اسکیم کے تحت ایسے بچوں کو والدین کی وفات پر ایک مرتبہ 20000 ہزار کی مالی امداد دی جاسکتی ہے۔
اس کے ساتھ ہی ایسے بچوں کو خصوصی کوٹے کے تحت اسکولوں میں داخل دلایا جا سکتا ہے، تاہم اس کے لئے بچے کو بے سہارا یا یتیم ہونے کے بارے میں چائلڈ پروٹیکشن کمیشن سے سرٹیفکیٹ لینا ہوگا۔
