آج ریاستی حکومت کی طرف سے جاری کردہ ایک ریلیز کے مطابق ، دہلی حکومت نےمختلف محکموں میں خدمات انجام دینے والے دہلی انتظامیہ کے ماتحت خدمات (ڈی اے ایس ایس) ، دہلی انڈمان اور جزائر سول سروس (ڈی اے این آئی ایس) اور اسٹینو کے عہدے پر کام کرنے والے 108 افسران کو قبل از وقت سبکدوش کردیا۔
اس سے قبل 4 جولائی کو وزیراعلی اروند کیجریوال نے بدعنوان افسران کی ریٹائرمنٹ کے لئے لیفٹیننٹ گورنر انیل بیجل سے اس پر تبادلہ خیال کیا تھا۔ جس کے بعد گورنر نے نظرثانی کمیٹی تشکیل دینے کی منظوری دے دی۔
مسٹر کیجریوال نے اپنی کابینہ کو داغی ملازمین اور افسروں کی فہرست تیار کرنے کی ہدایت کی۔
وزیر اعلی نے دلی ڈویلپمنٹ اتھارٹی (ڈی ڈی اے) کے 14، ایسٹ دہلی میونسپل کارپوریشن کے 39، جنوبی دہلی میونسپل کارپوریشن کے 15، مغربی دہلی میونسپل کارپوریشن کے سات ، سروس ڈپارٹمنٹ کے 14 محکمہ ٹرانسپورٹ کے 5 ، دہلی اسٹیٹ انڈسٹریل اور انفراسٹرکچر ڈویلپمنٹ کارپوریشن کے ایک محکمہ آبپاشی اور فلڈ کنٹرول محکمہ سے ایک محکمہ بجلی سے اور سات دہلی جل بورڈ کے اور دہلی اربن شیلٹر اصلاح بورڈ کے چار آفیسر، سینٹرل سول سروس (پنشن) رولز کے تحت قبل از وقت سبکدوش کردیا ہے۔
