دہلی خواتین کمیشن کی چیئرپرسن سواتی مالیوال نے نئی دہلی کے پشچم وہار میں 12 سالہ بچی کے ساتھ ہوئی جنسی زیادتی کے سلسلے میں آج متاثرہ بچی اور اس کے اہل خانہ سے ایمس ہسپتال میں ملاقات کی۔ نیز ڈاکٹروں سے متاثرہ کی حالت کے بارے میں بھی معلومات لی۔
بچی کی جنسی زیادتی کا معاملہ: دہلی خواتین کمیشن کا ایمس کا دورہ جس کے بعد سواتی مالیوال نے ای ٹی وی بھارت کو بتایا کہ بچی کی حالت بہت سنگین ہے۔ بچی کے ساتھ نہ صرف زیادتی کی گئی ہے بلکہ اس کے ساتھ انتہائی ظلم اور حیوانیت والا سلوک کیا گیا ہے۔ ابھی بچی ایمس ہسپتال میں زندگی اور موت کی جنگ لڑ رہی ہے۔
دہلی خواتین کمیشن نوٹس کے بعد اب دہلی پولیس کو سمن جاری کر رہی ہے۔ اس سے قبل، ایک نوٹس جاری کیا گیا ہے اور ان سے اس پورے معاملے پر جواب طلب کیا گیا ہے۔ لیکن 2 دن گزر جانے کے بعد بھی اس معاملے میں دہلی پولیس نے نہ تو کسی کو گرفتار کیا ہے۔ دونوں ملزمین کی شناخت نہیں ہوسکی ہے۔
سواتی مالیوال نے کہا ہے کہ 12 سالہ معصوم کی جنسی زیادتی کا واقعہ ملک کے دارالحکومت میں گھر میں داخل ہونے کے بعد انجام دیا جاتا ہے اور دہلی پولیس ابھی تک اس معاملے میں کچھ نہیں کر پا رہی ہے۔
سواتی مالیوال نے کہا کہ وہ بچوں کو درپیش مشکلات کو لےکر مسلسل آواز اٹھاتی رہی ہیں اور اس کے بعد ملک میں قانون بنایا گیا ہے۔ افسوس کی بات یہ ہے کہ ابھی تک کچھ قانون نافذ نہیں ہوا ہے اور نہ ہی اس طرح کے الزامات پر کوئی سخت اقدام اٹھایا جارہا ہے۔ تاکہ اس طرح کے واقعات پر قابو پایا جاسکے۔
