مرکزی وزارت میں شامل ہوئے وزیروں کو بی جے پی صدر نے دی مبارکباد

مودی سرکار نے وزارت میں تبدیلی کرتے ہوئے 36 نئے چہروں کو جگہ دی ہے اور کئی کو باہر کردیا ہے۔ بی جے پی کے قومی صدر نڈا نے نئے وزیروں کو مبارکباد دی ہے۔

بی جے پی کے قومی صدر جے پی نڈا نے بدھ کے روز مرکزی وزارت میں شامل کیے گئے سبھی اراکین کو مبارکباد دی اور امید ظاہر کی ہے کہ وزیراعظم نریندر مودی کی قیادت میں ملک ترقی کرے گا۔

انہوں نے اپنے ٹوئٹ میں کہا کہ مرکزی وزارت میں حلف لینے والے سبھی وزیروں کو بہت بہت مبارکباد، مجھے امید ہے کہ وزیراعظم نریندر مودی کی قیادت میں ملک کی ترقی کو رفتار دینے میں وہ سب اپنا کلیدی رول ادا کریں گے اور خود مختار بھارت کے خواب کو پورا کریں گے۔

وزیر اعظم مودی نے اپنی وزارت میں تبدیلی کرتے ہوئے 36 نئے چہروں کو شامل کیا، جب کہ سات کو وزیر مملکت بنایا گیا ہے۔ جب کہ مرکزی وزارت سے ہرش وردھن، رمیش پوکھریال نیشنک، روی شنکر پرساد، پرکاش جاؤڈیکر، ڈی وی سدانند گوڑا، سنتوش گنگوار جیسے رہنماؤں کو باہر کا راستہ دکھادیا گیا ہے۔