شدت پسندانہ حملے میں ایڈ ایجنسی کے پانچ اہلکار ہلاک

افغانستان کے ننگرہار صوبہ کی راجدھانی جلال آباد میں بدھ کو دہشت گردوں نے ایک گاڑی پر حملہ کیا جس میں ایک ایڈ ایجنسی کے پانچ اہلکاروں کی موت ہوگئی اور ایک بین الاقوامی اسٹاف رکن زخمی ہوگیا۔

صوبائی حکومت کے ترجمان عطاء اللہ یوگیانی نے بتایا کہ دہشت گردوں نے جلال آباد میں آج صبح ایک غیر سرکاری تنظیم کے ایک چلتی گاڑی پر گولی باری کی ۔ جس میں گاڑی میں بیٹھے پانچ لوگوں کی موت ہوگئی۔

اس درمیان ایک سلامتی ذرائع نے بتایا کہ یہ حملہ ملک کی راجدھانی کابل سے 120 کلومیٹر دور ننگہار میں زرعی اور سینچائی منصوبوں کو چلانے والے ایک غیر سرکاری تنظیم پیس میڈیکل سروس (پی ایم ایس) کی گاڑی پر کیا گیا۔گزشتہ کچھ مہینوں میں شدت پسند تنظیم طالبان اور اسلامک اسٹیٹ نے افغانستان کے کئی بڑے شہروں میں دہشت گردی کے حملوں کو انجام دیا ہے۔