عسکری تنظیمیں دہلی میں حملے کر سکتی ہیں، انٹلجینس ایجنسیز کا دعویٰ

بھارت کی انٹلجینس ایجنسیز نے دعویٰ کیا ہے کہ عسکریت پسند تنظیم لشکر طیبہ اور جماعت الدعوہ نے قومی دارالحکومت واقع ریسرچ اینڈ انیلیسیس ونگ (آر اینڈ اے ڈبلیو) اور ہندوستانی فوج کے دفاتر پر حملے کرنے کا منصوبہ بنا رہے ہیں۔

انٹلجینس ایجنسز سے خبر رساں ایجنسی کو ملی جانکاری کے مطابق لشکر طیبہ اور جماعت الدعوہ نے اکتوبر کے اواخر میں بھارتی فوج اور 'را' کے خلاف غیر متعینہ حملے کرنے کا منصوبہ بنایا ہے۔
ذرائع کے مطابق سکیورٹی فورسز کو الرٹ کیا گیا ہے۔ اس کے علاوہ سیکیورٹی میں اضافہ کر دیا گیا ہے۔
حملوں کے متعلق حالیہ انٹلیجنس ان پٹ کے بعد مناسب اقدامات کیے گئے ہیں۔
ذرائع کا دعویٰ ہے کہ عسکری تنظیمیں پولیس اہلکاروں کے رہائشی علاقوں کے علاوہ پولیس اور نیم فوجی دستوں کے دفاتر کو بھی نشانہ بنانے کا منصوبہ بنا رہے ہیں۔