سورا بھاسکر نے دہلی میں پھنسے مزدوروں کو گھر روانہ کیا

سونو سود کی طرح اداکارہ سورا بھاسکر بھی دہلی کے مہاجر مزدوروں کو گھر پہچانے میں مدد کر رہی ہیں۔ اطلاعات کے مطابق وہ اب تک 1500 مہاجر مزدوروں کو ان کے گھر بھیج چکی ہیں۔

لاک ڈاؤن کی وجہ سے مہاجر مزدور اور بہت سارے لوگ اپنے گھر جانے کی حکومت سے مسلسل اپیل کر رہے تھے، اس دوران سونو سود ان کے لئے مدد گار بن کر آئے اور بہت سارے مہاجر مزدوروں کو گھروں تک پہنچانے کے لئے بسوں کا انتظام کیا۔

اب مددگار شخصیات میں ایک نیا نام شامل ہوگیا ہے، وہ اداکارہ سوارا بھاسکر کا ہے۔ انہوں نے حال ہی میں ٹویٹ کیا اور دہلی کے ایک شخص سے متعلق تفصیلات طلب کیں تاکہ وہ انہیں گھر پہنچا سکے۔

ایک انٹرویو میں اداکارہ نے کہا، 'مہاجر مزدور اپنے گھر پہنچنے کے لئے جدوجہد کر رہے ہیں اور میں آرام سے گھر بیٹھی ہوں، یہ سب دیکھ کر مجھے شرمندگی ہوئی۔ اس وجہ سے میں گھر سے باہر آئی اور مہاجر مزدوروں کی مدد کی۔'

واضح رہے کہ اس لاک ڈاؤن کا حقیقی ہیرو ثابت ہونے والے سونو سود نے حال ہی میں کیرالہ میں پھنسے 169 اوڑیہ لڑکیوں کو خصوصی طیارے کے ذریعے ان کو گھر روانہ کیا گیا۔